கோவிந்தன் நாமத்தைப் பாடு; !

கோவிந்தன் நாமத்தைப் பாடு;-- எழிற்

கோலத்தைக் கண்ணாறக் காணு ;

பாதத்திற் புதுமலரைத் தூவு ,

பரந்தாம னருள் பெற்று வாழு .

திருக்கூடல்  மாநகரில் அமர்ந்திருக் குந்தேவன் ,

திருமலையி லெழிலுருவாய் நின்றிருக்கும் நாதன் ;

அருள்பெற்று வாழ்ந்திடவே யல்லலேது மில்லை,

இருள்நீக்கி யொளிசேர்ப்பான், இனியேது தொல்லை.

                                           (கோவிந்தன்)

நம்பியவர் குறைநீக்கி நலம்பலவே தருவான் ,

நாடியவர் துயர்போக்க, நாரணனும் வருவான் ;

பாடுபவர் பயம்நீக்கப் பார்த்தனுமே வருவான் ,

தேடுபவர் தினங்காணத் திருவருளுந் தருவான் .

                                           (கோவிந்தன்)