அருளன்றி நாடுவது வேறேதம்மா ?

அருளன்றி நாடுவது வேறேதம்மா ?

அழகை ரசிக்க ஓராயிரங் கண் போதாதம்மா ! – உன்

அருளையன்றி நாடுவது வேறேதம்மா ? -- அம்மா

                                       (அழகை ரசிக்க)

காதலனாம் சொக்கனோடு ஆட்சி செய்தாயே ,

மதுரையை ஆட்சி செய்தாயே :

கருணையுளங் கொண்டு காட்சி தந்தாயே .

                                       (அழகை ரசிக்க)

தினந்தொழும் பக்தருள்ளம்  நீ நின்றாயே   - அவர்

மனமுருகும் நிலை கண்டு உளம் நெகிழ்தாயே – அம்மா

                                       (அழகை ரசிக்க)

கிளி கொஞ்சும் கரங் கொஞ்சம் வழி காட்டுமா ? – நல்ல

வழிகாட்டி, வாழ்வுக்கு ஒளி கூட்டுமா ?

களிப்பினில்  மனமெழிற் கவி பாடும் போது – அக்

கவி கேட்டுக் களி நடம் புரிவாயம்மா – தாயே

                                       (அழகை ரசிக்க) 

                               

மதுரையாள்கின்ற நாயகியே !

வாழ்கின்ற நாளெல்லாம் வணங்குதல் வேண்டும் – மதுரை

ஆள்கின்ற நாயகி நீ, வரந்தர வர வேண்டும்.

                                           (வாழ்கின்ற)

நீள் கின்ற வாழ்க்கையிலே நிம்மதி வர வேண்டும் ;

ஏழ் பிறப்பும் உள்ளத்தி லுன் நினைவொன்றே போதும்,

                                           (வாழ்கின்ற)

சேர்கின்ற இன்னலெலாம் சென்று மறைய வேண்டும் ,

நேர்கின்ற இன்பம் மட்டும் நிலைத்திருந்தாற் போதும்;

சோர்வு வரும் நேரமெலாம் சுந்தர முகங் காட்டு,

வேர்விட்டு, நெஞ்சிலெழும் இனிமைமிகு பாட்டு.

                                           (வாழ்கின்ற)

                                  

காதில் விழாதோ ?

 காதில் விழாதோ ?

காதில் விழாதோ ? கத்துங்குரலே,

கந்தா ! கந்தாயென்றே – உந்தன்

காதில் விழாதோ ?

காதல் கொண்டுன் மேற்,

கனிந்து மனமுருகும் ;

மாதென் மனமறியா , யெழில்

மன்னவனே உந்தன்

                (காதில் விழாதோ ?)

நாதியா ருனைவிட்டால்

சோதித்தல் முறையோ ? ஐயா !

சுந்தர முகங்காட்டு,

சுகங்கள் பலவும் கூட்டு,

மந்திர வேத மோத,

மணவினைக் கோலங்காண

வந்திடு ஐயா,பேதை

வழி சென்றாள்,காதற்பாதை-இன்னுங்

                (காதில் விழாதோ ?)

மனமும் இறங்காதோ !

காலடியில் விழுந்து,காலமெலாம் தொழுதாற் கருணை பிறக்காதோ ? – குமரா

மலரடியை வணங்கி,மனமுருகிப்பாட மனமும் இரங்காதோ ?

கோலமயிலேறுங் குமரனைக் கும்பிடக் குறைகள்,குறையுமென்றே,

வேலுடை வேந்தனாம்,வேலனை வேண்டிட வேதனை திருமென்றே;

காலமெலஞ் சொன்ன கதைகளைக் கேட்டு,கந்தா யுனை வணங்கும்,

வேலை தனையன்றி,வேறு தொழிலறியா,யேழை யென்று முந்தன்.

                                             (காலடியிற்)

பூவைச்சுமக்குந் தோளையுடையவா,துன்பம் போதுமையா – யென்

பாவச் சுமைகளை, உன் பதம் வைக்கப் பழுவுங் குறையுமையா ;

தெய்வானை வள்ளி,யுனையுஞ் சேர்த்து,மயிலும் சுமக்குதய்யா ,

கையேந்தி நின்றோம்,கவலையனைத்தையும்,கரத்தினில் நீ சுமக்க

                                             (காலடியிற்)

                                  

குரு வாழ்க!            குருவே துணை ! மதுரையில் மாபெரும் ஜோதிட மகாநாடு அமரர்.பி.எஸ்.ஐயர்.18 ம்ஆண்டு நினைவு விழா நாள்:  நந்தன வருடம்  மார்கழி மாதம்   7   மற்றும்      8 ம் தேதி. 22 -12 - 2012,  23 - 12 - 2012  சனி மற்றும் ஞாயிறு. காலை 8 மணிமுதல் . சிறப்பாக நடைபெற உள்ளது. இடம்:ஸ்ரீ சொக்கநாதர் கல்யாணமண்டபம்,வடக்கு மாசி வீதி.மதுரை - 1 சிறப்புப் பேச்சாளர்கள்.       “கலைமாமணி.வெண்ணிற ஆடை. மூர்த்தி.” மற்றும் ஸ்ரீலஸ்ரீம் ஜாம்பவான் சுவாமிகள் , ஏ.வி.எஸ். சுந்தரம் ,லயன்.வி.நாராயணன், நவமணி சண்முகவேலு, கோட்டையூர்.சிவசுப்ரமணியன், கடகம்.இராமசாமி.இரா.அருள்வேல், செந்திலடிமை தினகரன், (ஆசிரியர், ஜோதிட அரசு) ஜெயந்திநாதன், (ஆசிரியர்,ஜோதிட பூமி) அதிர்ஷ்டம்  பாலசுப்ரமணியன்,(ஆசிரியர்,பால ஜோதிடம்.)                  வாசியோகி.பி.ஏ.பொன்னையா,     ஏ.அமிர்தலிங்கம், சின்னாளபட்டி தங்கவேல். மீனம்.பச்சமுத்து, கலைப்பிரியன் மற்றும் பலர் .  அனைவரும் வருக ! அன்னதான நன்கொடைகள் ஏற்றுக் கொள்ளப்படும். (   Amarar P.S.Iyer Ninaivu Jothida Araichi Maiyam - A/C-No – 1011101049504 –  Canara Bank.                North veli St. Branch. Madurai – 1.) இவண், நிர்வாகக்குழு.                                                                                                                   அமரர் பி.எஸ். ஐயர் நினைவு ஜோதிட ஆராய்ச்சி மையம். மதுரை. .                                                                                   தொடர்பு எண் : 99948 11158, 97891 01742, 75981 59981.

அன்னையின் புகழ்பாடு !

அன்னை யென்னை யரவணைத்து,

அன்புதர மனம் நினைத்து ;

துன்பந்தீரத் துணைக்கு வந்து ,

இன்பங்காண அருளும், தாயை

என்றென்றும் இவ்வுலகில் ;

பண்பாடு,போற்றி கொண்டாடு,

எந்நாளும் தாயின் புகழ்பாடு.

வண்ணப் பச்சை நிறங்கொண்ட,

சின்னச் சின்ன கிளியொன்று ;

அன்னை அவள் கரம் நின்று ,

உனைப்பற்றி,அவள் காதிற் ;

சொன்ன வொரு மொழி கேட்டுச்

சுகந் தந்த அன்னையவள் ;                                               பண்பாடு,போற்றிக் கொண்டாடு.

சின்னச் சின்ன மீன் போன்ற,

வண்ணயெழில் விழி கொண்டு ,

மின்னலென வொளி கூட்ட ;

இன்ன லிருள் தனை யோட்ட ,

ஏற்ற தொரு வழி காட்டும்,

அன்னையவள் புகழ்பாடு,

ஆனந்தக் கூத்தாடு.