காட்சி தந்தால் அழகு !

கருணை மழை பொழிந்து,

         கவலை யெலா மழித்து,

                  காட்சி தந்தா லழகு !

அருளை வேண்டி வரும்,

          அன்பர் னைவருக்கும்,

                      அருளை யள்ளி வழங்கு --- தாயே

                      அருளை யள்ளி வழங்கு.

பொருளை வேண்டவில்லை,

           பொன்னைத் தேடவில்லை,

                        புகழில் நாட்டமில்லையே.

இருளை நீக்கு மந்த,

            இனிய யெழில் விழியின்

                       ஒளியை மட்டுங் கூட்டு --- தாயே

                       ஒளியை மட்டுங் கூட்டு.

பொறுமை கொண்டு வுனைப்

            போற்றுகின்ற நெஞ்சிற்,

                       புகுதல் இனிய வொன்று,

சிறுமை நீங்கி யவர்

              சிறந்த வாழ்வு பெற,

                       செல்லும் வழியைக்காட்டு --- தாயே

                       செல்லும் வழியைக்காட்டு.

பெருமை யோடு நின்,

              பேர் சொல்லும் வேளையிற்

                            பிணி களேது யிங்கு,

கருமை கொண்ட விழி,

               காட்டும் நல்ல வழி,

                       காணக் கையை நீட்டு ---  தாயே

                       காணக் கையை நீட்டு.