மனமும் இறங்காதோ !

காலடியில் விழுந்து,காலமெலாம் தொழுதாற் கருணை பிறக்காதோ ? – குமரா

மலரடியை வணங்கி,மனமுருகிப்பாட மனமும் இரங்காதோ ?

கோலமயிலேறுங் குமரனைக் கும்பிடக் குறைகள்,குறையுமென்றே,

வேலுடை வேந்தனாம்,வேலனை வேண்டிட வேதனை திருமென்றே;

காலமெலஞ் சொன்ன கதைகளைக் கேட்டு,கந்தா யுனை வணங்கும்,

வேலை தனையன்றி,வேறு தொழிலறியா,யேழை யென்று முந்தன்.

                                             (காலடியிற்)

பூவைச்சுமக்குந் தோளையுடையவா,துன்பம் போதுமையா – யென்

பாவச் சுமைகளை, உன் பதம் வைக்கப் பழுவுங் குறையுமையா ;

தெய்வானை வள்ளி,யுனையுஞ் சேர்த்து,மயிலும் சுமக்குதய்யா ,

கையேந்தி நின்றோம்,கவலையனைத்தையும்,கரத்தினில் நீ சுமக்க

                                             (காலடியிற்)

                                  

குரு வாழ்க!            குருவே துணை ! மதுரையில் மாபெரும் ஜோதிட மகாநாடு அமரர்.பி.எஸ்.ஐயர்.18 ம்ஆண்டு நினைவு விழா நாள்:  நந்தன வருடம்  மார்கழி மாதம்   7   மற்றும்      8 ம் தேதி. 22 -12 - 2012,  23 - 12 - 2012  சனி மற்றும் ஞாயிறு. காலை 8 மணிமுதல் . சிறப்பாக நடைபெற உள்ளது. இடம்:ஸ்ரீ சொக்கநாதர் கல்யாணமண்டபம்,வடக்கு மாசி வீதி.மதுரை - 1 சிறப்புப் பேச்சாளர்கள்.       “கலைமாமணி.வெண்ணிற ஆடை. மூர்த்தி.” மற்றும் ஸ்ரீலஸ்ரீம் ஜாம்பவான் சுவாமிகள் , ஏ.வி.எஸ். சுந்தரம் ,லயன்.வி.நாராயணன், நவமணி சண்முகவேலு, கோட்டையூர்.சிவசுப்ரமணியன், கடகம்.இராமசாமி.இரா.அருள்வேல், செந்திலடிமை தினகரன், (ஆசிரியர், ஜோதிட அரசு) ஜெயந்திநாதன், (ஆசிரியர்,ஜோதிட பூமி) அதிர்ஷ்டம்  பாலசுப்ரமணியன்,(ஆசிரியர்,பால ஜோதிடம்.)                  வாசியோகி.பி.ஏ.பொன்னையா,     ஏ.அமிர்தலிங்கம், சின்னாளபட்டி தங்கவேல். மீனம்.பச்சமுத்து, கலைப்பிரியன் மற்றும் பலர் .  அனைவரும் வருக ! அன்னதான நன்கொடைகள் ஏற்றுக் கொள்ளப்படும். (   Amarar P.S.Iyer Ninaivu Jothida Araichi Maiyam - A/C-No – 1011101049504 –  Canara Bank.                North veli St. Branch. Madurai – 1.) இவண், நிர்வாகக்குழு.                                                                                                                   அமரர் பி.எஸ். ஐயர் நினைவு ஜோதிட ஆராய்ச்சி மையம். மதுரை. .                                                                                   தொடர்பு எண் : 99948 11158, 97891 01742, 75981 59981.

அன்னையின் புகழ்பாடு !

அன்னை யென்னை யரவணைத்து,

அன்புதர மனம் நினைத்து ;

துன்பந்தீரத் துணைக்கு வந்து ,

இன்பங்காண அருளும், தாயை

என்றென்றும் இவ்வுலகில் ;

பண்பாடு,போற்றி கொண்டாடு,

எந்நாளும் தாயின் புகழ்பாடு.

வண்ணப் பச்சை நிறங்கொண்ட,

சின்னச் சின்ன கிளியொன்று ;

அன்னை அவள் கரம் நின்று ,

உனைப்பற்றி,அவள் காதிற் ;

சொன்ன வொரு மொழி கேட்டுச்

சுகந் தந்த அன்னையவள் ;                                               பண்பாடு,போற்றிக் கொண்டாடு.

சின்னச் சின்ன மீன் போன்ற,

வண்ணயெழில் விழி கொண்டு ,

மின்னலென வொளி கூட்ட ;

இன்ன லிருள் தனை யோட்ட ,

ஏற்ற தொரு வழி காட்டும்,

அன்னையவள் புகழ்பாடு,

ஆனந்தக் கூத்தாடு.

                                  

குன்றதிலே குடியிருக்கும் குமரா !

 

குன்றதிலே குடியிருக்கும் குமரா –என்

நெஞ்சத்திலே,கொஞ்சம் வந்து அமர்வாய் ;

என்றுமுனைத் தொழுமெந்தன் கரமே ,

என்னுள்ளே நீயிருந்தாற் சுகமே .

வண்ணமலர் நாடிவரும் வண்டு,

தேனருந்த,பூமியிலும் உண்டு ;

வண்ணமயில் வாகனனைக் கண்டு-அவன்

எழிலருந்த பக்தர் கோடி உண்டு .

எண்ணயெண்ண யினிக்குதடா நெஞ்சம் ,

இறைவாவுன் மலரடியே தஞ்சம் – உன்

அருளுக்கு யென்றுமிலை பஞ்சம் ,

அரவணைப்பாய் அடியவரைக் கொஞ்சம் .

                                  

உயர்வைத்தா,முருகா !



 வண்ண மயிலேறி நிற்கும் வள்ளி நாயகா !

 உன்னை யெண்ணி வந்தோமே, உயர்வைத்தா,முருகா !


 எண்ண,எண்ண நெஞ்சினிக்கும் உன்னை யெண்ணும் போது ,

கண்ணில் வந்து நிற்கு மந்த காட்சிக் கிணையேது ;

 பண்ணோடு பாடுமிசைப் பாட்டை நீயும் கேட்டு ,

 எண்ணிலாத யின்பந்தந்தே,மகிழ்வை நீயும் கூட்டு.


 பாவநதி கடக்க வொரு பாலமென ஆவாய் ,

 ஜீவநதி கடக்க உந்தன் நேசக்கரம் நீட்டு ;

 காலமெலாம் மண்ணில் வாழ வேண்டேனே சுமையாய் ,

 காத்திடவா,கந்தா நீ,கண்ணைக் காக்கு மிமையாய்.

அருள் புரிவாய் அன்னையே !

பொற்றாமரைக் குளத்திற் நீராடினேன் – உன்

பொன்முகத்தைக் கண்டு தினம் துணை நாடினேன் ;

நற்றாள் பணிந்து தினம் நலம் வேண்டினேன் ,

நம்பிவந்த யெனைக்காத்து அருள்வாயம்மா !

                                       ( பொற்றாமரை )

வற்றாத வைகையென வளந்தருவாயா ? – பெற்ற

நற் தாயெனப் பேணி யெனை வளர்ப்பாயா ? – உற்ற

துயர்நீக்கித் துணையாக யெனைக் காத்திருப்பாயா ? – கற்ற

நற்றமிழிற், நான் பாட அருள்புரிவாயா ?

                                        ( பொற்றாமரை )

சொக்கி நின்ற நாதனுக்கு உன் கரந்தந்தாய் – அவன்

பக்கம் நின்று, பக்தருக்கு நல்லரு ளீந்தாய் – தினம்

மக்கள் வெள்ள முனைச் சூழ்ந்து,கோவிலில் ஆட – எட்டு

திக்கி னின்றும் வந்தவர்வாய் , உன் புகழ் பாட

                                        ( பொற்றாமரை )

உன் னெழிற் கோலம் !

கோலங்கண்டு மயங்கார் யாருளரோ ? – உன்னெழிற்

கோலங்கண்டு மயங்கார் யாருளரோ ?

குறுநகை யெழில் சிந்தி, கொஞ்சுங்கிளி கையேந்தி ,

கொண்டைதனில் மலர்சூடி,கெண்டைவிழிக் கவிபாடி ;

குங்குமக் கோலம் மின்ன, கூடலில் நின்ற யெழிற்

                                          ( கோலங்கண்டு )

காலமெலாம் பணிந்து, கனிந்து மனமுருகி ,

ஞாலமெலாம் புகழை , பாடி யுனைப் பரவி ;

வேலான விழியழகை வியந்து அதில் மயங்கி ,

பாலான வெண் மதியாய் பளிச்சிடும் இளம் யெழிற்

                                         ( கோலங்கண்டு )

                                    

அருள் தருவாய் குருவே !

கருணை கொஞ்சம் நெஞ்சிலிருந்தாற் காத்தருள்வாய்,குருவே !

அருளை வேண்டு மன்பர்க்கு நீ, யருள்தருவாய்,குருவே !

                                                    (கருணை)

நம்பிவரும் அடியார்க் கென்றும் நலஞ்செயவே வேண்டும் - உனை

நாடிவரும் அவர்குறையோ , ஓடி மறைய வேண்டும் – தினம்

பாடிவரும் பக்தருக்கு நின்,பதமலரொளி வேண்டும் - துணை

தேடிவரும் அவர்க்கு யென்றும்,உன் திருவருளே வேண்டும்.

                                                    (கருணை )

இதயமதி லுன்னை வைத்து , யென்று மேற்று மன்பர் – உன்

பதமலரைப் பணிய அருள் பெருகிவிடு மென்பர் - நல்

இதயமலர்,மலர அதிற் யின்ப மென்றும் பொங்க - அதில்

உதயமாகும் வொளிமிகுந்த,உயர்ந்த வாழ்வு தங்க.

                                                     (கருணை)