தத்துப் புத்திர யோகம்

 

தத்துப் புத்திர யோகம்

குழந்தையற்றவர்களுக்கு, குழந்தைப் பிறப்பு என்பது, கற்பனைக்கு எட்டாத அல்லது விவரிக்கமுடியாத, இறைவனின் ஆசிர்வாதம் மற்றும்உணர்வுபூர்வமான செயல் எனக் கருதப்படுகிறது. இயற்கையாகக் குழந்தை பிறக்கவில்லையெனில் அடுத்து தத்து எடுத்துக்கொள்வதோ, சோதனைக் குழாய் அல்லது வாடகைத் தாயின் மூலமாகக் குழந்தையை அடைவதோ,தம்பதியருக்கான சிறந்த முடிவாக இருக்கும்.

       பண்டைய நூல்களில் தத்துக் குழந்தைக்கான குறிப்புகளைக் காணலாம்.

       முனிவர் பராசரர், தனது ஹோரா சாஸ்த்ராவில் ‘ சனி – தனது சுயவீட்டிலோ, 5 ஆம் வீட்டிலோ, புதனின் வீடுகளிலோ அல்லது மாந்தியுடன் இணைவு பெற்று இருந்தாலோ தத்துப் புத்திர யோகம் ஏற்படுவதாகக் குறிப்பிடுகிறார்.

ஜாதகம் – 1

       ( டாக்டர். பீ.வி. இராமன் அவர்களின் ‘ முன்னூறு முக்கிய இணைவுகள்‘ என்ற நூலிலுள்ள ஜாதகம். )

		சனி மாந்தி	செவ்
இராகு	இராசி ஆண்- 22-1-1914 06-40 காலை 13 வ 0 – 80 கி 14 ஜாதகம் - 1
லக், சூரி புத, குரு சுக்			கேது
	சந்

                                         

புதன் தசா இருப்பு – 14 வரு 4 மாதம் 19 நாட்கள்

       இலக்னாதிபதி சனி, 7 ஆம் அதிபதி சந்திரன் மற்றும் குரு ஆகியோர் பலமற்ற நிலையில் ‘ அனபத்திய யோகம் ‘ ( குழந்தை இன்மை ) ஏற்பட்டது. 7ஆம் அதிபதி சந்திரன் 11 ஆம் பாவத்தில் உள்ளார். 5 ஆம் அதிபதி சுக்கிரன் சுபரோடு இணைந்து, சனி 5 ஆம் இடத்தில் அமர்ந்து, மாந்தியும் இணைவதால்,தத்துப் புத்திர யோகம் ஏற்பட்டது.

       கல்யாண வர்மா தனது சாராவளியில் ‘ 5 ஆம் இடம் சனி அல்லது புதனின் வீடாகி, மாந்தியுடன் அல்லது சனியுடன் இணைந்தோ அல்லது பார்க்கப்பட்டோ  இருப்பின் தத்துப் புத்திர யோகம் ஏற்படும் எனக் குறிப்பிடுகிறார்.    மேலும், 5 ஆம் அதிபதி பலமற்றவராகி, எந்த விதத்திலும் இலக்னம் மற்றும் 7 ஆம் இடத்தின் அதிபதியோடு தொடர்பற்ற நிலை இதே முடிவைத் தருகிறது எனலாம்.

       ஜாதக பாரிஜாதத்தில் குறிப்பிடப்படுவதென்ன ?  சந்திரன் அசுப இராசியில் இடம்பெற்றிருக்க, 5 ஆம் அதிபதி பாக்கிய பாவத்தில் இருக்கவும்,இலக்னாதிபதி திரிகோணத்தில் அமரவும் தத்துப் புத்திர யோகம் ஏற்படுகிறது.

       தத்துப் புத்திர யோகத்துக்கான இதர கிரக இணைவுகள் –

1.   கேது புத்திர காரகன் குருவுடன் மிக குறைவான பாகையில் இணைந்து இருந்தாலோ அல்லது குருவுக்குப் 12 இல் கேது இடம் பெறவும்.

2.   புத்திர பாவாதிபதி (5 ஆம் அதிபதி) அல்லது 5 ஆம் வீடு 6, 8 மற்றும் 12 ஆம் அதிபதிகளுடன் தொடர்புற அல்லது பாபகர்த்தாரியில் இருக்கவும்

3.   5 ஆம் வீடு செவ்வாயின் வீடாகி சனி மற்றும் இராகுவும் இடம்பெறவும்

4.   5 ஆம் அதிபதி புதனின் இராசிகளில் இருக்க, புத்திர காரகர் குரு அவற்றில் ஒன்றில் இடம் பெறவும்.

5.   5 ஆம் இடத்தில் சனி இருக்க, 1 மற்றும் 5 ஆம் அதிபதிகள் பரிவர்த்தனை பெற்று, புத்திர காரகன் குரு பலமற்று இருக்கவும்.

6.   புத்திர பாவாதிபதி மற்றும் புதன் இணைந்து 6, 8 12 ஆம் பாவங்களில் இருந்து இயற்கை சுபரால் பார்க்கப்படவும்

7.   புத்திர பாவாதிபதி, செவ்வாயுடன் இணைந்து சனியால் பார்க்கப்படவும்.

8.   புத்திர பாவத்தில் 8 ஆம் அதிபதி இருக்கவும், 5 ஆம் அதிபதி 12 ஆம் இடத்தில் இருக்க, புத்திர காரகன் குரு கேந்திரத்தில் இருக்கவும்.

9.   புத்திர பாவத்தில் சனி இருந்து, இராகு, அசுபருடன் கூடி 4 ஆல்லது 12 ஆம் வீட்டில் இருக்கவும்.

10.  சந்திர இராசிக்கு 5 ஆம் இடத்தில் 5 ஆம் அதிபதி, சுக்கிரனுடன் இசைந்து மலட்டு இராசிகளில் இருந்து அசுபகிரகங்களால் பார்க்கப்படவும்.

11.  7 ஆம் அதிபதி 5 ஆம் வீட்டில் அசுபகிரகம் மற்றும் பலம் மிக்க புத்திர காரகன் குருவுடன் இருக்கவும்.

12.  இலக்னம் இரட்டைப்படை இராசிகளில் அமைந்து, 5 ஆம் அதிபதி சனி நவாம்சத்தில் 4 இல் இருக்கவும்

13.  5 ஆம் அதிபதி, சூரியன், புதன் ஆகியோரின் இணைவு சனி நவாம்சத்தில் இருக்கவும் அல்லது இரட்டைப்படை இராசிகளில் இருக்கவும்.

14.  சுபரால் பார்க்கப்படாமல் 5 ஆம் வீட்டில் ஒரு சுபர் அமர்ந்திருக்கவும்.

15.  5 ஆம் இடம் மகரம் அல்லது கும்பமாகி, சனியை சந்திரன் பார்க்கவும்.

16.  சனியின் இராசிகளில் சந்திரன் மற்றும் பலமற்ற புதன் இணைந்து இருக்கவும்.

17.  புதனோடு அல்லது புதனின் இராசியில் செவ்வாயும், சனியும் புத்திர பாவத்தில் இருக்கவும்

18.  சூரியன் 7 ஆம் அதிபதியாகி, இலக்னத்தில் சனியோடு இணைந்து இருந்து செவ்வாயால் பார்க்கப்படவும்.

19.  சனி அல்லது மாந்தியின் தொடர்போடு ( பார்வை அல்லது சேர்க்கை ) 5 ஆம் வீடு மிதுனம், கன்னி, மகரம் அல்லது கும்பமாகவும்.

20.  9 ஆம் வீடு சனி மற்றும் மாந்தியால் பாதிக்கப்படவும், இலக்னாதிபதி 9 இல் மோசமான நிலையில் இருக்க அல்லது  9 ஆம் அதிபதியால் பாதிக்கப்படவும். 5ஆம் அதிபதி திருநங்கை கிரகமாகி, 5 ஆம் வீடு திருநங்கை கிரகத்தோடு இணைய அல்லது பார்க்கப்படவும் மற்றும் மாந்தி இணைந்திருக்கவும், குருவும் பலமுடன் இருக்கவும்.

       மேற்சொன்ன கிரக நிலைகள் வர்க்கக் கட்டங்களில் இருந்தாலும் பலம் மிக்க தத்துப் புத்திர யோகத்தை அளிக்கிறது.

சுக், சந்	சூரி,புத செவ்		கேது			குரு	சனி	சூரி
	இராசி ஆண் 20/4/1936 15 – 30 மும்பை ஜாதகம் - 2					நவாம்சம்		இராகு
			லக்///		சந்,கேது
குரு,இராகு					சுக்		செவ் மாந்	புத,லக்//

   

புதன் தசா இருப்பு – 11 வருடம் 0 மா – 0 நாள்

       இங்கே, இலக்னாதிபதி சூரியனுடன் புதன் இணைந்துள்ளது மகப்பேறுக்கான வாய்ப்பைக் குறைத்துள்ளது. புத்திரபாவாதிபதி , புத்திர காரகன் குரு, இராகுவுடன் இணைவானது அனபத்திய யோகத்திற்கு பலம் சேர்க்கிறது.முனிவர் பராசரரின் கூற்றுப்படி, சுயபாவத்திலுள்ள சனி சுக்கிர நவாம்சம் ஏறியதால் ஒரு பெண்குழந்தையை தத்து எடுக்கும் நிலைக்கு பலம் சேர்த்தது.மேலும், மேலே குறிப்பிட்டுள்ள விதி எண் 14 படி பலம் மிக்க சுபர், சுப பார்வையற்று புத்திர பாவத்தில் அமர்ந்ததும் தத்துப் புத்திர யோகம் தந்தது.

       இந்தியாவில் ஒரு பெண் கருவுறவில்லையெனில் மலடி என இகழப்பட்டு பிறரால் மேலும் கீழும் பார்க்கப்படுவாள். இதற்குக் காரணம் அவள் ஜாதகத்தில் அனபத்திய யோகம் ஏற்படுவதின் பலனே ஆகும். கீழ்கண்ட இணைவுகள் மூலமாக பெண்ணின் ஜாதகத்தில் இந்த நிலையைக் கண்டுபிடிக்க முடியும்.

1.   சுக்கிரன், சந்திரன் ஆகியோர் சனி அல்லது செவ்வாயுடன் இணைந்து இலக்னத்தில் அமர்ந்தோ அல்லது அவர்களால் பார்க்கப்பட்டோ இருக்க பெண்ணிடம் மலட்டுத்தன்மை ஏற்படுகிறது.

2.   சூரியன் 8 ஆம் இடத்தில் அமர்ந்து, சந்திரன் சுயவீட்டில் அமர அந்தப் பெண்ணுக்கு குழந்தை பாக்கியம் இருக்காது.

3.   ஜாதகயின் இலக்னம் சனி, செவ்வாயின் வீடுகளான மகரம், கும்பம், மேஷம்,விருச்சிகம் ஆகி சுக்கிரனும் சந்திரனும் இலக்னத்தில் இருக்கவோ அல்லது இலக்னத்தைப் பார்க்கவோ செய்தால் அப்பெண்ணுக்கு அனபத்திய யோகம் ஏற்படும்.

       குழந்தை இல்லாத பெண்கள் கீழ்கண்ட மருத்துவ காரணங்களுக்காக குழந்தைகளுக்கான மாற்று ஒப்பந்தம் செய்ய  முடிவெடுக்கலாம்.

·         அவளுக்கு மருத்துவ ரீதியான கர்ப்பை பிரச்சனைகள் இருக்கலாம்.

·         அவளுக்கு கர்ப்பபை நீக்கப்பட்டிருக்கலாம்.

·         தீவிர இதய நோய் காரணமாக கர்ப்பம் தரிக்காமல் இருக்க மருத்துவரால் ஆலோசனை வழங்கப்பட்டிருக்கலாம்.

       இயற்கையாக பிறப்புத் தர இயலாத, மாற்று ஒப்பந்தங்கள் செய்ய நினைக்கும் பெண்ணுக்கு, பிரசவலியோ, உணர்வால் ஏற்படுகிற வலிகளையோ அனுபவிக்க வேண்டிய அவசியமில்லை. மருத்துவ உலகில் ஏற்பட்டுள்ள அபரிமிதமான மருத்துவ விஞ்ஞான முன்னேற்றங்கள் மூலமான புதிய வழிமுறைகள் பல தம்பதிகளின் கைகளில் மழலைகள் தவழும் நிலைக்கு உதவுகிறது என்றால் மிகையாகாது. வாடகைத்தாய் மூலமான குழந்தைப் பிறப்புக்கும் ஜோதிடம் வழிகாட்டுகிறது.

       புத்திர பாக்கியத்துக்கான வீடு 5 ஆம் வீடு என்பதை நாம் அறிவோம்.புத்திர பாக்கியத்திற்கு வளம் மிக்க இராசிகளாக நீர் இராசிகள் மற்றும் ரிஷப,துலா இராசிகள் ஓரளவுக்குக் கருதப்படுகின்றன. பலம் மிக்க, நல்ல இடத்திலுள்ள குரு, சுக்கிரன், சந்திரன் ஆகிய கிரகங்கள் நன்மை அளிப்பனவாகக் கருதப்படுகின்றன.  5 ஆம் வீடு, அதன் அதிபதி மற்றும் இயற்கை புத்திர காரகனான குரு, ஜெய்மினி சூத்திரப்படி புத்திர காரகன் ஆகியவை பலம் மிக்கதாக ஒரு தந்தையின் ஜாதகத்தில் அமைந்தால் நிச்சியமாக அவருக்குக் குழந்தைப் பிறப்பு உண்டு எனக் கருதலாம். நவாம்சம், சப்தாம்சம் போன்ற வர்க்கக்கட்டங்களும் இதை நிச்சயிக்கும் போது குழந்தைப் பிறப்பு மேலும் உறுதிப்படுத்தப்படுகிறது. ஆனால், ஒரு பெண்ணின் ஜாதகத்தில் ஏற்படுகிற அசுப தாக்கங்களால் குழந்தைப் பிறப்பில் பிரச்சனைகள், கர்ப்பம் தரிக்க முடியாமை,கரு உருவாதில் பிரச்சனைகள், தத்துப் புத்திர யோகம், வாடகைத்தாய் போன்ற மாற்று ஒப்பந்த நடவடிக்கைகள் ஆகியவை குறிகாட்டப்படுகின்றன. இப்படிப்பட்ட நிலையில் நல்ல இணைவுகள் பெற்ற ஆண் கடைசியாகக் குறிப்பிட்ட மாற்று ஒப்பந்த நடவடிக்கை எனும் வாடகைத்தாய் மூலமாக குழந்தையை அடையலாம்.

       மாற்று ஒப்பந்தத்தின் மூலமாக, தத்து எடுப்பதின் மூலமாக குழந்தையை அடையும் வழி, வேறு வழிகளில் குழந்தையை அடையும் முறை எனக் குறிப்பிடப்படுகிறது. இதன் மூலமாக குழந்தை இல்லா தம்பதிகள் மற்றும் அவர்கள் குழந்தையை தன் கருப்பையில் சுமக்க சம்மதிக்கும் ஒரு பெண்ணுக்கும் ஏற்படுகிற ஒப்பந்தம் குழந்தையை தம்பதிகளின் கைகளில் தவழவிட உதவுகிறது. சில இடங்களில் இது தவறான மருத்துவ வழிமுறையாகக் கருதப்படுகிறது.

       ஜாதக பாரிஜாதத்தில், புத்திர பாவ பலம் பகுதியில் பலம் மிக்க கிரகம் 5ஆம் பாவத்தில் இருக்க, 5 ஆம் அதிபதி வேறுகிரகங்களால் பார்க்கப்படாதிருந்தால் ஜாதகர் தத்து எடுப்பதாலோ, வெறுவழிகளிலோ குழந்தையை அடைவார்.

       ஜாதகாபரணம் – சனியின் சொந்த வீடுகள் ( மகரம், கும்பம் ) 5 ஆம் வீடாக அதில் சனி இடம் பெற்று, சந்திரனால் பார்க்கபட தத்துப் புத்திர யோகம் ஏற்படும். சனியை புதன் பார்க்க அதுவே குழந்தையை தத்துக் கொடுப்பவர்களுக்குப் பணம் கொடுத்து  தத்து எடுக்க வேண்டியது வரும்.  

        ஒரு வாடகைத் தாய் தனது தாய்மையைத் தியாகம் செய்கிறாள்.வாடகைத்தாய் பத்து மாதம் கருவை சுமக்கிறாள். ஆனால், அவள் சுமக்கும் கருவுக்கு உயிரியல் ரீதியான தொடர்பு அவளுக்குக் கிடையாது. ஜீவப் பொருளின் ஆரம்ப நிலையான சூலானது பெற்றோர் அல்லது அன்பளிப்பாக அளிப்பவர்களின் கருமுட்டையின் மூலமாக உருவாக்கப்படுகிறது.வாடகைத்தாயின் கருமுட்டைகள் பயன்படுத்தப்படுவதில்லை. சூலானது மிகச் சிறப்பான நவீன முறைகளைக் கையாண்டு உற்பத்தி செய்யப்படுகிறது. ஒன்று அல்லது இரண்டு சூல்கள் வாடகைத் தாயின் கருப்பைக்கு மாற்றப்படுகிறது.  அவள் கருவுற்று, ஒப்பந்தம் செய்து கொண்டவர்களின் அன்பு மற்றும் உதவியுடன் அழகிய குழந்தையைப் பெற்றெடுத்து அவர்கள் கைகளில் தவழவிடுகிறாள்.

       வாடகைத்தாய் அமையும் முறை இருவகையானது ஒன்று மேற்சொன்னபடியானது. இதில் குழந்தையின் குணங்கள் கருக்கொடுத்த பெற்றோர்களின் மரபணு மூல குணங்களை ஒத்ததாக இருக்குமேயன்றி வாடகைத்தாயின் குணங்கள் இருக்காது.  இரண்டாவது முறை, பாரம்பரிய முறைப்படி, வாடகைத்தாயை இயற்கையாகவோ அல்லது செயற்கையாகவோ கருத்தரிக்கச் செய்யும் போது பிறக்கும் குழந்தைக்கு  அவளின் மரபணுத் தொடர்பு இருக்கும். 

  

		ராகு	குரு மாந்		சனி(வ) செவ்	ராகு சுக்
சனி(வ)	இராசி ஆண் 02/11/1965 02-30 காலை டெல்லி ஜாதகம் - 3				சூரி	நவாம்சம்		சந்
சந்			லக்//					புத
சுக்	செவ் புத கேது	சூரி			குரு மாந்		கேது லக்///

சந்திர தசா இருப்பு 1 வரு – 4 மா – 4 நாட்கள்.

       இந்த ஜாதகர் இரண்டு புத்திர பாக்கியத்தோடு ஆசிர்வதிக்கப்பட்டார்.இயற்கை புத்திர காரகர் மற்றும் புத்திரபாவாதிபதி குரு இலாப பாவம் ஏறி,மற்றுமொரு சுபரான சுக்கிரனால் பார்க்கப்படுகிறார்.  இது புத்திர பாக்கியத்தை உறுதி செய்கிறது. இந்த ஜாதகர் தன் மனைவியின் உடல்நிலை இரண்டாவது குழந்தை பிறப்பைத் தாங்கக் கூடிய வலிமை இல்லாத காரணத்தால், வாடகைத் தாயை ஏற்பாடு செய்ய நினைத்தார். பராசர முனிவர் சனி சொந்த வீட்டிலோ, 5ஆம் வீட்டிலோ அல்லது புதனின் வீடுகளிலோ அல்லது மாந்தியோடு இணைந்து இருக்கவோ தத்துப் புத்திர யோகம் ஏற்படுகிறது எனக் குறிப்பிடுகிறார்.

      எனவே, நண்பர்களே தத்துப் புத்திர யோகத்துக்கான பண்டைய நூல்களில் குறிப்பிடப்பட்ட இணைவுகளை உதாரண ஜாதகத்தோடு அறிந்தது பயனுள்ளதாக இருக்கும் என்ற நம்பிக்கையோடு முடிக்கிறேன். வாழ்க வளமுடன்.

நந்தி நாடி

நந்தி நாடி

எந்தெந்த ஆண்டுகளில் ஒரு ஜாதகரின் வாழ்க்கையில் என்ன முக்கிய நிகழ்வுகள் ஏற்படும்.

         ஒரு ஜாதகரின் வாழ்க்கையில் ஏற்படும் நிகழ்வுகளைக் கணக்கிட ஜாதகத்தில் சனி இருக்கும் இடத்தை வைத்து வெவ்வேறு வழிகளில் ஆராயவேண்டும். இதில் இராகு முக்கியப் பங்கு வகிக்கிறார் எனலாம். ஜாதகரின் பிறப்பில் இருந்து முதல் 12 வருடங்கள் இந்த ஆய்வுக்கு எடுத்துக் கொள்ளப் படுவதில்லை. வாழ்க்கையின் மீதமுள்ள ஆண்டுகள்  12 வருடங்களாகப் பிரிக்கப்படுகின்றன.

1.       ஜனன ஜாதகத்தில் சனி இருக்கும் இடத்தில் இருந்து முதல் 4 இராசிக்குள், இராகு இருந்தால், 12  முதல் 24 வரையான வயதுகளில் அவரின் வாழ்க்கை இனிமையானதாக இருக்காது.  தனது வாழ்க்கையில் ஓர் அடிமைத்தனமான  வாழ்க்கையாக இருக்கும். உத்தியோகம், தொழிலிலும் அதே நிலை இருக்கும். உழைப்புக்கு ஏற்ற ஊதியம் இருக்காது. இராகு நல்ல நிலையில் இருந்தால், இந்த பாதிப்புக்கள் குறையும்.

2.        சனிக்கு 11 ஆம் வீட்டில் இடம்பெறும் கிரகம்  அடுத்த பிரிவான 24 முதல் 36 வயதுவரையான காலத்தை கட்டுப்படுத்துகிறது. சனிக்கு 11 ஆம் வீட்டில் இருகிரகங்கள் நன்னிலையில் இருப்பின், அவை ஜாதகரின் வாழ்க்கையின் 24 முதல் 48 வயதுவரையான காலத்துக்கு கருணை காட்டுகிறது.  இவற்றில் குறைந்த பாகை அளவைக் கொண்ட கிரகம் 24 முதல் 36 வயதுவரை தனது தாக்கத்தை ஜாதகர் மேல் செலுத்துகிறது.

3.        சனிக்கு 7 ஆம் வீட்டில் இடம் பெறும் கிரகம்  அடுத்த பிரிவான 48 முதல் 60 வயது வரையான காலத்தில் நிகழும் நிகழ்வுகளுக்கு முக்கியத்துவம் பெறுகிறது.  சனிக்குப் பகை கிரகங்களான சந்திரன், கேது அல்லது செவ்வாய், சனிக்கு 7 ஆம் இடத்தில் இடம் பெற்றால் இந்த 12 வருடங்களுக்கு, தடைகளும், குறைந்த அல்லது முழுவதுமான வருமானம் இன்மையும் ஏற்படும்.

4.  அடுத்த 12 வருடங்கள் சனிக்கு 4 ஆம் இடத்தில் உள்ள கிரகத்தால் கட்டுப்படுத்தப்படும்.

5.  உதாரண ஜாதகம்.

12	1	2 சூரி	3 புத   சுக்
11 சந்   கேது			4
10			5 சனி   இராகு
9 குரு	8 செவ்	7	6

       இந்த ஜாதகர் தனது 12 முதல் 24 வயது வரையான காலத்தில் சனியுடன், இராகு இருப்பதனால் அனுகூலமற்ற பலன்களை அடைந்தார். (முதல் விதி சனியினின்று 4 கட்டத்துக்குள்).

       அடுத்த 12 வருடங்களில் – 24 முதல் 36 வரை – புதனால் மிகவும் நல்ல காலமாக அமைந்தது.  அடுத்த 12 வருடங்களில் – 36 முதல் 48 வரை – சுக்கிரனின் நன்நிலையால் சிறப்பாக அமைந்தது.

        48 முதல் 60 வயது வரையிலான காலத்தில் 7 இல் உள்ள சந்திரனால் கட்டுக்கு அடங்காத செலவுகளும், பண இழப்புகளும் ஏற்பட்டது.

        அடுத்து உள்ள கேதுவால் 60 – 72 வயது வரை உள்ள காலங்கள் கட்டுப்படுத்தப்பட்டது.  ஜாதகர் தனது 73 வது வயதில் சிவலோக பதவி அடைந்தார்.

குருவின் கருணையால் காதல் கனிந்து மணம் முடித்தல்.

குருவின் கருணையால் காதல் கனிந்து மணம் முடித்தல்.

        நவீன உலகில் தற்கால இளைஞர்களும், யுவதிகளும் இளமையிலேயே காதலெனும் மாயையில் சிக்கித் தவிக்கின்றனர். ஆனால் சிலர் மட்டுமே தங்களின் பெற்றோரின் அனுமதி பெற்று திருமணம் செய்து கொள்ளுகின்றனர்.அப்படிப்பட்டவர்களின் ஜாதகங்களில் குறிப்பிட்ட பாவங்களின் மூலமாக குருவின் அருள் அமையும் போது அத்தகைய உயரிய குணம் அமைகிறது.அத்தகைய கிரக நிலை இக் காதல் குயில்கள் தங்கள் பெற்றோர்களின் சம்மதத்தோடு திருமணத்தை செய்து கொள்ள உதவுகிறது.

    காதல் ஜோடிகளின் ஜாதகம் – 1

			குரு
இராகு	ஜாதகி -இராசி 01 செப் 1989 9 – 25 பெங்களூரு					நவாம்சம்
			கேது,சூரி சந்,செவ்
சனி(வ)		லக்///	புத,சுக்

தசா இருப்பு – சுக்கிரன் – 2 வ – 0 மா – 10 நாள்

       இந்த ஜாதகிக்கு 11 செப்டம்பர் 2007 முதல் 11 செப்டம்பர் 2014 வரை செவ்வாய் திசை நடந்தது. அதில், சந்திர புக்தி 1 பிப்ரவரி 2014 முதல் 11செப்டம்பர் 2014 வரையாகும். செவ்வாய், திருமணத்திற்குத் தொடர்புடைய பாவகங்களான, தன, களத்திர பாவங்களுக்கு அதிபதியாகி, இலாபத்தில் அமர்ந்திருப்பது, இந்த ஜாதகிக்கு செவ்வாய் (11 செப்டம்பர் 2014) திசைக்குள்,திருமணம் உறுதியாகிவிடும் என்பதைக் குறிகாட்டுகிறது. வக்கிர நிலையிலுள்ள5 ஆம் அதிபதி சனி, முந்தைய பாவத்திலிருந்து களத்திர ஸ்தானாதிபதி செவ்வாயை பார்ப்பது, திருமணத்திற்கு முன்னரே இப்பெண் காதலில் விழுவாள் என்பதைக் காட்டுகிறது. திருமணம் முடிவாகும் போது இந்த ஜாதகிக்கு செவ்வாய், தசா, சந்திர புக்தி நடப்பில் இருந்தது. சந்திரன், சுக்கிரனின் ( காதல்,காமத்திற்கு உரிய இயற்கை காரகன் ) சாரத்தில் இருந்து அவனும் இலாப பாவத்தில் இருக்கிறான். சுக்கிரன், உச்ச புதனுடன் இணைந்து வியபாவத்தில் இருப்பது நீசபங்கமாகிறது.

       தேவகுரு பாக்கிய பாவம் அமர்ந்து நல்ல நிலையில், தனுசவில் உள்ள5 ஆம் அதிபதி சனியைப் பாரக்கிறார். சந்திரா இலக்னத்தில் இருந்து பார்க்கும் போது, குரு 5 ஆம் அதிபதியாகி, கோசாரத்தில் 11 ஆம் இடத்தில் இருந்து, 7ஆம் அதிபதி சனியைப் பார்க்கிறார். இந்த குருவின் உந்துதல் காரணமாக காதல் விவகாரம் இந்தப் பெண்ணுக்கு உண்டு என்பதும், அவள் நிச்சியமாக பெற்றோர்களின் சம்மத்த்தைக் கோருவாள் என்பதும்  உறுதியாகிறது.

       குறிப்பிட்ட பாவங்களோடு எங்ஙனம் இவள் காதலனின் ஜாதகத்தில் குருவின் தாக்கம் இருக்கிறது என்பதை மேலோட்டமாக ஆராய்வோம்.

சூரி, குரு இராகு	செவ்
புத	ஆணின் ஜாதகம்- இராசி 19 மார்ச் 1987 19 – 40 மங்களூர்
சுக்
	சனி	சந்	லக்/// கேது

       களத்திராதிபதி சுயவீட்டில் அமர்ந்து, விருச்சிகத்திலுள்ள 5 ஆம் அதிபதி சனியைப் பார்ப்பதும், சந்திரா இலக்னத்தில் இருந்து 7 ஆம் அதிபதி செவ்வாய், 5 ஆம் அதிபதி சனியைப் பார்ப்பதும் காதல் வாழ்க்கையை நிச்சியப்படுத்துகிறது.

காதல் ஜோடிகளின் ஜாதகம் – 2

       கீழ் கண்ட ஜாதகத்துக்கு உரிய பெண் 1997 வாக்கில் இராகு தசா, சுக்கிர புக்தியில் ஓர் இளைஞனோடு காதல் கடலில் மூழ்கினாள்.  சுக்கிர புக்தி ஆகஸ்டு 2000 வரை நடந்தது.  இராகு, தனுசிலுள்ள சுக்கிரனுக்கு சிறப்பான திரிகோணத்தில் 5 ஆம் அதிபதியான சனியோடு இணைந்து உள்ளது. பாக்கிய,சுப பாவத்துக்கு அதிபதியான சுக்கிரன் தனது சுய சாரத்தில் அமர்ந்திருப்பது,காதல் கடலில் நீந்தியதற்கு சரியான காரணம் என்றால் மிகையாகாது.

								லக்/// கேது
சூரி,புத கேது	பெண் –ஜாதகம் 16 பிப்ரவரி1979    08-36 இரவு கல்கத்தா		குரு				நவாம்சம்		சந்
செவ்			சனி இராகு
சுக்			லக்/// சந்			புத	சூரி, இராகு		செவ்,சுக் குரு,சனி

       இதை மேலும் உறுதி செய்யும்படியாக, நவாம்ச நிலைகளைப் பார்க்கும் போது, இலக்னத்துக்கு (இராசியில்) 7 ஆம் அதிபதியான குரு மற்றும் 5 ஆம்(இராசியில்)  அதிபதியான சனி ஆகியோர் நவாம்ச இலக்னமான ரிஷபத்துக்கு 5இல் இணைந்து இருக்கிறார்கள். பிப்ரவரி 2001 இல் இப்பெண்ணின் பெற்றோர்களின் முழு சம்மதத்தோடு திருமணம் நடந்தது. இராசியில் உச்ச குரு கடகத்தில் இருந்து 5 மற்றும் 7 ஆம் இடங்களைப் பார்வை இடுவதன் மூலமாகக் கருணை பொழிகிறார். குருவின் தாக்கத்தால், பழம் நழுவிப் பாலில் விழுந்தது போல், பெற்றோர்களின் சம்மதத்தோடு காதல் தம்பதிகளின் திருமணம் நடந்தேறியதற்கான மற்றுமொரு உதாரண ஜாதகம் இது எனலாம். 

ஆணின் ஜாதகம் –

சந்	லக்///	சனி(வ)
செவ்	ஆண் ஜாதகம் இராசி		கேது
இராகு
	குரு,சுக்	சூரி,புத

சந்திர இராசியில் இருந்து பாக்கியஸ்தானத்தில் உள்ள குரு,  5 ஆம் வீடு மற்றும் 5 ஆம் அதிபதியான சந்திரனைப் பார்க்கிறார். இலக்னத்துக்கு 11 ஆம் அதிபதி சனி 2 இல் இருந்து, குரு, சுக்கிரனைப் பார்வையிடுகிறார். இவர் ஜாதகத்திலும் தேவகுருவின் கருணை தென்படுவதைக் காணலாம்.

காதலனின் ஜாதகம் – 3.

       இந்த ஜாதகர் தன் அத்தையின் மகளைக் காதலித்தார். இவரது ஜாதகத்தில் 1/7 அச்சில் சந்திர மங்கள யோகம் அமையப்பெற்றுள்ளது.செவ்வாய் உச்சம் பெற்று இலக்னத்திலும், 7 ஆம் வீட்டில் சந்திரன் தன் ஆட்சி வீட்டில் உள்ளார். 5 மற்றும் 10 க்கு அதிபதியான உச்ச சுக்கிரன், குருவால் பார்க்கப்படுகிறார்.

       நவாம்ச இலக்னத்தில் சுக்கிரன் உச்சம் பெற்று, 5 ஆம் அதிபதி,சந்திரனால் பார்க்கப்படுகிறார். இது காதல் விவகாரத்தை உறுதிப்படுத்துகிறது.சந்திரமங்கள யோகம் ஏற்படும் இடத்துடைய காரகத்துவத்தை அதிகரிக்கிறது.அதன் காரணமாக ஜாதகர் பாரம்பரிய கோட்பாடுகளை உடைத்து திருமணம் செய்து கொள்ளும் அளவுக்கு அதிக காதல் வயப்பட்டிருந்தார்.       செவ்வாய் பாதகாதிபதியாகி 7 ஆம் அதிபதி சந்திரனைப் பார்க்கிறார். இதுவும் உணர்ச்சிகளைத் தூண்டி காதலை அதிகரித்தது.

          

சுக்			சனி,ராகு		லக்//சுக்		செவ்,ராகு
சூரி,புத	இராசி ஜாதகம்-3-ஆண் 24 –பிப்-1945.     05-45 - அதிகாலை பெங்களூரு		சந்			நவாம்சம்
லக்//செவ்					சனி(வ) குரு(வ) சூரி
கேது			குரு		புத	கேது		சந்

      சனி தசா இருப்பு – 12 வ 11 மா – 11 நாள்.

       இராசியில், பாக்கிய ஸ்தானத்தில் இருந்து குரு, 5 ஆம் அதிபதி சுக்கிரனையும், உச்சமடைந்து இலக்னத்தில் அமர்ந்துள்ள 11 ஆம் அதிபதி செவ்வாயையும் பார்க்கிறார். நவாம்சத்தில் 5 ஆம் இடத்தையும், 7 ஆம் இடத்தில் இருக்கும் 5 ஆம் அதிபதியையும் பார்க்கிறார். இவரின் காதலுக்கு சிறிது எதிர்ப்பு இருந்தது. கேது மகா தசா / சுக்கிர புக்தியில் இருவரின் தந்தையைத் தவிர மற்ற குடும்பப் பெரியோர்களின் அனுமதியோடு திருமணம் நடந்தேறியது.

       முடிவாக, குருவின் முழு ஒத்துழைப்பால் மட்டுமே காதலர்கள் தங்கள் பெற்றோர்களின் முழு சம்மதத்துடன் திருமணம் செய்து கொள்ள முடியும் என்பதை மேற்கண்ட ஜாதகங்கள் மூலமாக அறிந்தோம் அல்லவா ? அதன் தாக்கத்தின் மூலமாகவே காதல் பாரம்பரியத் திருமணமாக உருவெடுக்கிறது எனலாம்.