திருமணம் - ஜாதக ஆய்வு - 2

திருமணம் ஜாதக ஆய்வு -2

ஜாதகம் – 4

         7 ஆம் வீடு – 7 ஆம் வீட்டில் இலாபாதிபதி சந்திரன், இராகுவுடன் இணைந்து உள்ளார். அசுபர்களாகிய 5 , 6 க்குரிய சனி, மற்றும் 3, 8 க்கு உரிய செவ்வாய் இருவரும் பார்க்கின்றனர். 7 ஆம் வீட்டின் மீது எந்த சுபரின் பார்வையும் இல்லாததால் பாதிக்கப்பட்டுள்ளது.

         7 ஆம் அதிபதி -. 7 ஆம் அதிபதி குரு மறைவு ஸ்தானமான 6 ஆம் வீட்டில் உள்ளார். குருவின் மீது எவ்வித பார்வையும் இல்லை.

         களத்திரகாரகன் – சுக்கிரன், விரயாதிபதி சூரியன் மற்றும் இலக்னாதிபதி புதன் ஆகியோருடன் இணைந்து அசுபர் சனியால் பார்க்கப்படுகிறார். சுபர் தாக்கம் ஏதும் இல்லாததால் அவரும் பாதிக்கப்பட்டுள்ளார்.

சந் இராகு					சனி		லக்
குரு	ஜாதகம்-4 இராசி 20-11-1950-அதிகாலை 3-00 -18°வ 55’,72° கி 54’				கேது	நவாம்சம்		இராகு
								சூரி
செவ்	சூரி, சுக் புத		கேது சனி, லக்		புத, குரு,சந்			செவ் சுக்

புதன் திசை இருப்பு – 13 வ – 7 மா – 6 நாட்கள்.

         சந்திர இராசியில் இருந்து – 7 ஆம் வீட்டில் அசுபர்களான கேதுவும் சனியும் இணைந்துள்ளனர். 7 ஆம் அதிபதியான புதன், காரகர் சுக்கிரனுடன் இருப்பது ஓரளவு நல்லது என்றாலும், அவர் 3, 8 க்கு உரியவராகி சந்திரனுக்கு 6 ஆம் அதிபதி சூரியனோடு இணைந்துள்ளதால் இந்த 7 ஆம் வீடும் பாதிக்கப்பட்டுள்ளது

         ஆய்வுக் கருத்தின் முடிவு – ஜாதகர் தனது சுக்கிர திசை, சுக்கிர புத்தியில் 1972 வருடம் திருமணம் செய்து கொண்டார். முன்னர் கண்ட திருமண தசா விதிகளின்படி, திருமணக் காலம் சரியானதே. 1974 இல் கணவன்-மனைவிக்கு இடையே வெறுப்பும், பிரச்சனைகளும் தலைதூக்கியது. இந்தப் பெண்ணும், அவள் கணவரும் 1974 இல் பிரிந்துவிட்டனர். இராகு மற்றும் சந்திரன் இலக்னத்துக்கு 7 இல் இருந்து சனி, செவ்வாயால் பாதிக்கப்பட்டுள்ளதன் காரணமாக கணவன் திசை மாறி கீழ்தரமான பெண்களுடன் தொடர்பு கொள்ளச் செய்தது. களத்திரம் தொடர்பான அனைத்து நிலைகளுமே சுபர் தொடர்பின்றி பாதிப்பு அடைந்ததால் ஜாதகிக்கு திருமணத்திற்குப் பின் இன்ப வாழ்க்கை அமையாமல் ஏமாற்றமே மிஞ்சியது.

ஜாதகம் – 5

         7 ஆம் பாவம் – களத்திர பாவத்தில் கேது அமர்ந்து, அசுபர் செவ்வாயின் பார்வையால் பாதிப்பு ஏற்படுகிறது. செவ்வாய் 5 ஆம் அதிபதியாகி நன்மை தந்தாலும், 12 இல் அமர்ந்து 7 ஆம் வீட்டைப் பார்ப்பது நல்லதல்லவே ?        

          7 ஆம் அதிபதி – களத்திராதிபதி புதன் நட்பு வீடான இலாபத்தில், இயற்கை அசுபர்களான சூரியன், செவ்வாய்க்கு இடையே அமர்ந்து பாபகர்த்தாரி யோகம் பெறுகிறார்.

         களத்திர காரகன் – சுக்கிரன், பகை வீடான 9 இல் அமர்ந்து, அசுபர் சனியின் பார்வையையும் பெறுகிறார். சுபர் தொடர்பும் இல்லை.

         சந்திர இராசியில் இருந்து – 7 ஆம் வீடு, கடகம் குருவின் சுப பார்வை பெறுகிறது. 7 ஆம் அதிபதி சந்திரன், இராகுவுக்கும் சனிக்கும் இடையே அமர்ந்து பாபகர்த்தாரியில் உள்ளார். குருவின் பார்வை தவிர, சந்திரனுக்கு 7 ஆம் வீடும் பாதிக்கப்பட்டுள்ளது

			கேது				லக் கேது
சனி	ஜாதகம்-5 இராசி 08-10-1935- காலை11-30 -13°வ 10’,76° கி 10’				செவ்	நவாம்சம்		சூரி
சந்			சுக்		சனி புத			சுக்
லக் ராகு	செவ், குரு	புத	சூரி		குரு?	ராகு		சந்

செவ்வாய் திசை இருப்பு – 4 வ – 11 மா – 20 நாள்.

         ஆய்வுக் கருத்தின் முடிவு – 7 ஆம் வீட்டின் கேதுவின் மீதான செவ்வாயின் பார்வை திருமண வாழ்க்கையில் கணவன் – மனைவிக்கு இடையே ஆன மூர்க்கத்தனமான போராட்டத்துக்கு வழி வகுத்தது. சுக்கிரனுக்கு 7 ஆம் வீட்டில் அமர்ந்த சனியின் பார்வை மகிழ்ச்சியான மணவாழ்வைத் தரவில்லை. ஒரு ஆறுதலாக, இவ்வளவு நடந்தும், சந்திரனுக்கு 7 இல் ஏற்பட்ட குருவின் பார்வையால் இவர்களின் வாழ்க்கை துன்பமயமானாதாய் இருந்தாலும், இருவருக்குள்ளும் பிரிவினை ஏற்படாமல் தடுக்கப்பட்டது.

ஜாதகம் – 6

         7 ஆம் வீடு – ஓர் உபய இராசி. அதில் 5 ஆம் அதிபதி சந்திரன் அமர்ந்ததைத் தவிர வேறு சிறப்பில்லை. குடும்ப மற்றும் பாக்கியாதிபதியான இயற்கை அசுபர் செவ்வாய், விரய பாவத்தில் அமர்ந்து, தனது 8 ஆம் பார்வையாலும், 6 ஆம் பாவாதிபதி இயற்கை அசுபர் சூரியன் பார்ப்பதாலும் களத்திர பாவம் பாதிப்பு அடைகிறது.

         7 ஆம் அதிபதி – புதன், செவ்வாயுடன் கூடி, விரய பாவத்தில் அமர்ந்து, இலக்னாதிபதி குருவாலும், கர்ம, இலாபாதிபதி சனியாலும் பார்க்கப்படுகிறார்.

         களத்திர காரகன் – சுக்கிரன் தனது நட்புவீடான, இலாப ஸ்தானத்தில் அமர்ந்துள்ளார்.

லக் சூரி	கேது	சனி	குரு		செவ்	புத இராகு	சந்
புத, செவ்	ஜாதகம் - 6 இராசி 24-3-1883- காலை06-00 - 30 -13°வ 00’, 77° கி 35’					நவாம்சம்
சுக்					சனி
		இராகு	சந்				கேது, லக்,சூரி குரு	சுக்

சந்திர திசை இருப்பு – 6 வருடங்கள்.

         சந்திர இராசியில் இருந்து – 7 ஆம் வீடு ஓர் உபய இராசி. சந்திரனுக்கு விரயாதிபதி சூரியன் அமர்ந்துள்ளார். 7 ஆம் அதிபதி புதன் செவ்வாய் மற்றும் கேதுவுக்கு இடையில் பாபகர்த்தாரியில் உள்ளார். 6 ஆம் அதிபதி குரு உபய இராசியான, தசம கேந்திரத்தில் அமர்ந்துள்ளார்.

          ஆய்வுக் கருத்தின் முடிவு – களத்திர காரகன் சுக்கிரனின் இலாப பாவ அமர்வு, இலக்னத்தில் இருந்தும், சந்திர இராசியில் இருந்தும் 7 ஆம் வீடுகள் உபய இராசிகளிலும், களத்திர ஸ்தானாதிபதி குருவும் உபய இராசியில் இடம் பெற்றதும் ஜாதகருக்கு இரு திருமணங்களைத் தந்து மகிழ்ச்சியற்ற மண வாழ்வையும் தந்தது.

         இந்த ஜாதகத்தையும், 1 வது ஜாதகத்தையும் ஒப்பிட்டுப் பார்க்கும் போது, அதில் 7 ஆம் அதிபதி குருவும், களத்திர காரகன் சுக்கிரனும் உபயத்தில் இருந்தாலும், ஜாதகருக்கு ஒரு திருமணமே நடந்தது. ஏனெனில், களத்திர பாவாதிபதியும், களத்திர காரகனும் தங்களுக்குள் பரஸ்பர பார்வை பார்த்துக் கொண்டதே, திருமண வாழ்வு சீராகச் செல்லக் காரணமாயிற்று.

நாடி ஜோதிட ஜாதக ஆய்வு

நாடி ஜோதிட ஜாதக ஆய்வு

ஜாதகம் – 30 அ & ஆ

		லக்///
செவ்	உ. ஜா. 30.அ இராசி		இராகு
சந்,கேது			சுக்
	குரு	சனி	சூரி,புத

         மற்றுமொரு ஜாதகத்தைப் பார்ப்போம். உச்சம் பெற்ற கர்மகாரகன் சனியால் ஜாதகர் மிக உயரிய பதவியில் இருந்து, சமூகத்தில் கௌரவம், மதிப்பு, மரியாதையுடன் வாழ்பவர் என்பதை அறிகிறோம். சனிக்கு 2 இல் குரு இருப்பது அவர் பார்க்கும் பணியில் மேலும் முன்னேற்றத்தை அளிக்கிறது. கன்னியில் உள்ள சூரியன் + புதன் இணைவுக்கு திரிகோணத்தில் சந்திரனும், கேதுவும் உள்ளனர். இந்த இணைவு ஜாதகர் எதையும் கிரகித்துக் கொள்ளக் கூடிய, மிகப் பெரிய மேதாவியாக, மறைபொருள் (சந்திரன் + கேது) விஷயங்களையும் அறிந்தவராகவும் இருப்பார் என்பதை உணர்த்துகிறது.

			கேது
	உ. ஜா. 30. ஆ கோசாரம்
சனி			குரு(வ)
சூரி, செவ் ராகு, புத	சுக்

        ஜாதகம் பரிசீலனைக்கு வந்த நேரத்தில் கோசார சனி மகரத்தில் நுழைந்த போது ஜனன ஜாதகத்தில், அங்குள்ள சந்திரன், கேதுவின் மேல் நகர்கிறது. இது சந்திரன், கேது மற்றும் சனியின் இணைவை மகரத்தில் ஏற்படுத்துகிறது. இதன் காரணமாக தாய்வழிச் சொந்தங்கள் இவரோடு சண்டையிடவும், பழி போடுதலும் மற்றும் குற்றம் சுமத்துவதுமாக உள்ளனர்.

         ஜனன ஜாதகத்தில் கீழ்திசை கிரகங்கள் சிம்மத்தில் உள்ள சுக்கிரன், தனுசுவில் உள்ள இராகு ஆகும். இது ஜாதகரின் மனைவி மிகுந்த மனக் கஷ்டத்தில் உள்ளார் என்பதை அறிகிறோம். அவளுக்கு இருக்கும் நோய் மற்றும் வீடு பற்றிய விவகாரங்களில் சண்டை சச்சரவு ஏற்படும்.  

ஜாதகம் – 31 அ & ஆ

	சூரி,சுக் புத
	உ. ஜா. 31. அ இராசி
			இராகு
லக்//,குரு(வ) சனி(வ)

			லக்///,கேது
	உ. ஜா. 31. ஆ கோசாரம்
சனி			குரு(வ)
ராகு, சூரி, செவ்	சுக்,சந்,புத

        ஜாதகம் எண் 31 அ வை பார்ப்போம்.  இந்த ஜாதகத்தில் இலக்னத்தில் கிழக்கு திசை இராசியில் குரு, மற்ற கிழக்கு இராசிகளான மேஷத்தில் சூரியனும், சிம்மத்தில் இராகுவும் உள்ளனர். ஆனால், குருவும், சனியும் வக்கிர நிலையில் உள்ளனர். ஜனன ஜாதகத்தில் குரு + சூரியன் + இராகு இணைவு. ஜாதகத்தில் இராகு உள்ள இடத்தில் கோசாரத்தில் வக்கிர குரு உள்ளார். சூரியனும், குருவும் பரிவர்த்தனை ஆகியுள்ளனர். இதன் காரணமாக ஆண் மகவை குறிகாட்டும் சூரியன், இராகுவினால் பாதிப்பு அடைகிறார். இது ஜாதகருடைய மகன் கடும் இன்னல்களை சந்திப்பதைக் குறிகாட்டுகிறது.

         களத்திர காரகன் சுக்கிரன் கோசாரத்தில் நீச சந்திரனுடன் இருப்பது ஜாதகரின் மனைவியும் கஷ்டங்களை அடைவதையும், அவளுக்கு மன அமைதி இன்மையையும் குறிகாட்டுகிறது.

         கோசாரத்தில் சூரியனும், இராகுவும் ஒரே பாகையில் உள்ளனர். இதன் காரணமாக ஜாதகரின் மகனுக்கு மரணத்துக்கு இணையான பெரிய ஆபத்து / கண்டத்தைக் குறிகாட்டுகிறது.

ஜாதகம் – 32 அ & ஆ 

கேது,சந்	லக்///
	உ. ஜா. 32. அ இராசி
சனி,புத சூரி, செவ்	குரு,சுக்		இராகு

			லக்///,கேது
	உ. ஜா. 32. ஆ கோசாரம்
சனி,சந்			குரு(வ)
செவ்,சூரி புத,ராகு	சுக்

        இந்த ஜாதகத்தில் இராகு தனுசுவில் வந்துள்ளது. ஜனன ஜாதகத்தில் அவ்விடத்தில் தந்தைக் காரகன் சூரியன், சனியுடன் பகை பெற்றுள்ளனர். புதனும், செவ்வாயும் பகை நிலையிலேயே உள்ளனர்.

        கோசாரத்தில் இராகுவுடன் இணைந்து இதே கிரக இணைவுகள் உள்ளன. குருவும், சூரியன் பரிவர்த்தனை ஆகியுள்ளனர். ஆனால், குரு வக்ரமாகி உள்ளதால் அவருக்குப் பின்புற பார்வையே உள்ளது. இதன் காரணமாக குருவின் பார்வை கடகத்தில் இருந்து துவங்கி, பணத்தைக் குறிக்கும் சுக்கிரன் இருக்கும் விருச்சிகத்தில் முடிகிறது. இதனால், அவருடைய சகோதரருடன் சண்டை சச்சரவுகள் மற்றும் ஜாதகருக்குப் பணக் கஷ்டங்களும் இருக்கும். வக்ர குருவின் பார்வை சுக்கிரன் மீது விழுவதால் ஜாதகர் அவரது மகனின் செல்வாக்கால் பெரிய மனிதர்களின் உதவியால் ஜாதகர் இந்த இக்கட்டான சூழ்யிலையில் இருந்து வெளிவருவார்.

         ஜனன ஜாதகத்தில் குருவும், செவ்வாயும் பரிவர்த்தனை ஆகியுள்ளனர். இது சுக்கிரனும் அவர் நண்பர் செவ்வாயும் இணைந்துள்ளதற்கு சமம். விருச்சிகம் பூமியைக் குறிகாட்டுகிறது. எனவே, ஜாதகரின் கேள்வி பூமி, சொத்து பற்றியமாகவே இருக்கும். கேள்வி நேரத்தில் கோசார இராகு சுக்கிரனுக்கு அடுத்த இராசியில் உள்ளது. எனவே, அந்த சொத்து மிகவும் பழமையானது என அறிகிறோம்.

         ஜனன ஜாதகத்தில் குரு, செவ்வாய் பரிவர்த்தனையினால், சுக்கிரனும் இவர்களுடன் இணைவு பெறுகிறார். இதனால் இந்த வீடு, சொத்துக்கள் தெய்வீக தன்மையுடையதைக் காட்டுகிறது.

         இந்த ஜாதகரின் தந்தைக்கு இரு இடங்களில் சொத்துக்கள் இருந்தன. அந்த பரம்பரைச் சொத்துக்கள் மீது வழக்கு விவகாரங்கள் இருந்தன. கேள்வி எழுப்பப்பட்ட நேரத்தில்   குரு வக்ரம் காரணமாக கடகத்தில் இருந்து சுக்கிரனைப் பார்ப்பதாகக் கொள்ளலாம். எனவே, குறுகிய காலத்திலேயே ஜாதகருக்கு சாதகமான நிலை உருவாகும் எனலாம்.