திருமணம் சொர்க்கத்தில் நிச்சியிக்கப்பட்டு, பூமியில் புனிதமாகிறது.

திருமணம் சொர்க்கத்தில் நிச்சியிக்கப்பட்டு, பூமியில் 

புனிதமாகிறது.

       கல்யாணத்தின் காலநிர்ணயம், கன்னியை முதலில் காணும் போது தொடங்குகிறது. இதையே நாம் பெண் பார்க்கும் படலம் என்கிறோம். இது நடைபெறும் காலமானது, கோசாரத்தில் இலக்னாதிபதியும், 7 ஆம் அதிபதியும், இணைவு, பார்வை,  சமசப்தமத்தில் வரும் போது நிகழ்கிறது. இவைகளின் சொர்க்கத்தில் (வானத்தில்) ஏற்படும் சந்திப்பு நிகழாமல், திருமணம் நிகழ்வதில்லை. அவற்றின் சொர்க்கச் சந்திப்பு, திருமணத்திற்குத் தூண்டுதலாகிறது.

       இந்த நிகழ்விற்கான அடிப்படைக் காரணிகள், தொடர்புடைய தசாவுடன் கூடிய அனுகூலமான திசையும் ஆகும். கீழ்கண்ட நிலைகளில் பெண் பார்க்கும் படலம் நிகழ்த்தப்படலாம். ; -

1.      பையனும், பெண்ணும் முதல்முதலாக சந்திக்கும் போது.

2.      நிச்சியதார்த்த காலம்.

3.      திருமண காலம்.

4.      அனுகூலமான தசா / புத்தி நடைபெறும் காலம்.

பிரசன்ன ஜாதகம் - 1

சந், புத குரு			கேது
சூரி, செவ்	கோசார நிலை.      6 மார்ச் 2011.      இரவு 8 – 20.         டில்லி.         இராசி
சுக்
ராகு			லக்///, சனி

       

இந்த நேரத்தில் உறுதிப்படுத்தப்பட்ட பெண் பார்க்கும் படலத்துக்குப் பையன் பெண்ணை ஏன் பார்க்க வரவில்லை ? - எனப் பார்க்கப்பட்ட போது, ஜன்ம லக்னம் கன்னியாகி, ஆணின் ஜாதகத்தை கோசார குருவும் , சனியும் தனது பார்வைத் தொடர்பால் 7 ஆம் வீட்டை இயக்கியது. மேற் கண்ட நாளன்று இரவு 8 – 20 க்குரிய ஜாதகக் கட்டத்தில் இலக்னாதிபதி புதன் மற்றும் குரு இருவரும் 7 ஆம் வீடான மீன வீட்டில் உள்ளனர்.  மேஷ இலக்னப் பெண்ணுக்கு, இலக்னாதிபதி செவ்வாய், 7 ஆம் அதிபதி சுக்கிரனும். கோசாரத்தில் 2/12 நிலையில் இருப்பதின் காரணமாக சந்திப்புக்கான காரணிகள் ஒத்துவராததால், பெண் பார்க்கப் பையன் வரவில்லை. கன்னி இலக்ன ஜாதகன் அதற்கு 3 தினங்களுக்கு முன்னரே அவன் தான் விரும்பிய வேறொரு பெண்ணைப் பார்த்து திருமணம் செய்ய முடிவு செய்துவிட்டான்.

பிரஸன்ன ஜாதகம் - 2

கேது
	கோசார நிலை. 1-      செப்டம்பர் 2014.       4 – 48 - மாலை.         டில்லி.         இராசி		குரு
லக்///			சூரி, சுக்
	சந், குளி	செவ், சனி	ராகு, புத

இன்னுமொரு ஜாதகர் 1 செப்டம்பர் 2014 அன்று மாலை 4 – 48 க்குப் பிரசன்னம் கேட்ட போது, ஜாதகரின் ஜனன ஜாதகத்தில் மகர இலக்னம் உள்ளது. இங்கே, ஜனன ஜாதக இலக்னாதிபதியும்,  7 ஆம் அதிபதியும், அவர்கள் பிரசன்ன ஜாதகத்தில் சந்தித்து விலகிச் சென்றுவிட்டனர், இது பெண்பாரக்கும் படலத்திலேயே பெண்ணுக்கும், பையனுக்கும் இடையேயான பிரிவினையைக் குறிகாட்டுகிறது.  7 ஆம் அதிபதி சந்திரன் அப்போதுதான் தனது நீச இராசியான விருச்சிகத்துக்கு, துலாத்தில் இருந்து மாறியுள்ளார். செப்டம்பர் 5 ஆம் நாள் செவ்வாயும் விருச்சிகத்தில் நுழைந்த அன்று, இவர்களிடையே உறவு முறிவு ஏற்பட்டது.  

       ஆகஸ்டு 30, 2014 இல் திருமணப் பேச்சு நல்லமுறையில் ஆரம்பித்த போதும், கேள்வி எழுப்பிய நேரத்தின் கோசார கிரக நிலைகள், இருவருக்கும் இடையே ஏற்பட்ட சூடான விவாதத்தினால் பிரச்சனை எழுந்ததை, பாதிக்கப்பட்ட நீச சந்திரனும், இடம் கொடுத்தவனும்,

  இணைந்துவிட்ட செவ்வாயும் தெளிவாகக் குறிகாட்டுகின்றன.

பிரஸன்ன ஜாதகம் – 3

கேது
சுக், செவ்	கோசார நிலை. 12    - பிப்ரவரி 2015. 5 – 33 - அதிகாலை. டில்லி. இராசி		குரு
லக்///, புத சூரி
	சனி, குளி	சந்	ராகு

மேலே உள்ளது பிரசன்ன ஜாதகம். ஜனன ஜாதகத்தில் ரிஷப இலக்னாதிபதி சுக்கிரன், 7 ஆம் அதிபதி செவ்வாயும் சந்திப்புக்கு சாதகமாக இருந்தாலும், பிரசன்னக் கேள்வி நேரத்துக் கோசார கிரக நிலையில்,   7 ஆம் அதிபதி செவ்வாய், கும்ப லக்னத்திலுள்ள கோசார சுக்கிரனை விட்டு விலகி போகவுள்ளார். பிரசன்ன ஜாதகத்தில் மாறப் போகிற கிரகத்தின் தன்மை குறிப்பிடக்கூடியதாகும்.  கோசார இலக்னாதிபதி சனியும், 7 ஆம் அதிபதி சந்திரனும், 2/12 ஆக உள்ளது. இதன் காரணமாக, பார்க்க வந்த பையனுக்கும், பெண்ணுக்கும் இடையே கருத்து வேறுபாடு ஏற்பட்டு,  திருமணம் நடக்கவில்லை.

         ஜன்ன ஜாதக நிலைக்கும், கோசார கிரக நிலைகளையும் இணைத்துப் பார்க்கும் போது, திருமணம் நடந்து முடியுமா ? என்பதை விளக்கமாகக் கண்டது பயனுள்ளதாக இருக்கும் என எண்ணுகிறேன். வாழ்க வளமுடன்.

ஜோதிடமும் ஞானிகளும்

ஜோதிடமும் ஞானிகளும்

     ஜோதிடத்தில் சனி கர்மகாரகன், தொழில் காரகன் என்ற புகழ்பெற்ற வாக்கியம் உண்டு. இந்த உலகமே கர்மாவை சுற்றியே அல்லது கடமையைச் சுற்றியே சுழல்கிறது. இந்த பூமியில் படைக்கப்பட்ட ஒவ்வொரு மனிதனும் சில முக்கிய கர்மாக்களை அல்லது கடமைகளைச் செய்யவே படைக்கப்பட்டுள்ளான்.  ஆணோ பெண்ணோ அவரவர்க்கு விதிக்கப்பட்ட அல்லது ஒதுக்கப்பட்ட பிரத்தியேகக் கடமைகளைச் செய்வதில் இருந்து எவரும் தப்பிக்க இயலாது. கர்மாதிபதியான சனியின் தலைமைக்கு உட்பட்ட, அவனால் தீர்மானிக்கப்பட்ட மேற்சொன்ன கடமைகளை மற்ற கிரக இணைவுகள் தரும் உதவிகள் மற்றும் ஒத்துழைப்புகள், அது நல்லதோ, கெட்டதோ அனைத்துமே ஜாதகரின் ஜாதகத்தில் இடம்பெற்றுள்ள கிரக அமைப்புகளைப் பொறுத்தே அமையும்.

         துறவிகள், புனித மகான்கள் மற்றும் சுவாமிகள் ஆகியோர் இந்த இகலோகத்தில் இருந்து முற்றும் துறந்து மோட்சத்தை அடையும் விருப்பம் அவர்கள் உள்ளத்தில், எண்ணத்தில், மனதில் இருக்கும் வரை அவர்களும் தங்களுக்கு விதிக்கப்பட்ட தங்கள் இஷ்ட தெய்வங்களுக்கு செய்யப்படும் பூஜைகள், புனஸ்காரங்கள், விழாக்கள், தியானம், நோன்புகள், பிராயச்சித்தங்கள் இன்னபிற கர்மாக்களை அல்லது கடமைகளை கண்டிப்பாக, ஒழுங்கு முறையுடன் செய்யவேண்டிய நிலையில் இருப்பார்கள். இந்த கைங்கர்யங்களை செய்ய நீருக்கு உரிய சந்திரன், வாயு அல்லது காற்றுக்கு காரகன் சனி ஆகியோரின் அனுகூலம் அவர்களுக்கு வேண்டும். மனதை ஒருநிலையில் வைக்க உதவும் மனோகாரகன் சந்திரனின் ஒத்துழைப்பு அவர்களுக்கு வேண்டும். அவர்கள் கடைப்பிடிக்கும் நோன்புகளை நிகழ்த்த தூய, புனிதமான, சிறந்த இடங்கள் வேண்டும். அதற்கு பூமிக்கு உரிய இறைவியான பூதேவியின் அருள், கருணை, ஆசிகள் அவர்களுக்கு வேண்டும். சூரியனின் வெப்பம், வருணனின் மழை, வாயுவின் காற்று ஆகியவற்றில் இருந்து தங்களைக் காத்துக் கொள்ளும் அளவுக்கு நல்ல வசிப்பிடமும் அவர்களுக்கு அவசியமாகிறது. தன் தினசரி பூஜைகளை, நோன்புகளை தடையின்றி நிறைவேற்ற குறைந்த பட்சம் ஒரு குகையேனும் வேண்டும். எங்ஙனம் பணியாற்ற வேண்டும்? எப்படி பூஜா கைங்கரியங்களை செய்யவேண்டும்? கடைப்பிடிக்க வேண்டிய நியமங்கள் என்ன ? - இவை அனைத்துமே இந்து மத நூல்களில் அவர்கள் செய்ய வேண்டிய கடமைகளாக, கர்மாக்களாக குறிப்பிடப்பட்டுள்ளன. அப்படிப்பட்ட மேன்மையான, முக்கியத்துவம் மிக்க தத்துவங்களை புனிதர் பரம பூஜ்ய ஶ்ரீமதானந்த தீர்த்த ஶ்ரீ ஶ்ரீ ஶ்ரீ மத்வாச்சாரிய சுவாமிகள் தனது துவைத கிரந்தங்களில் விளக்கி அருளியுள்ளார்.

         இதன் காரணமாகவே பெரிய ஞானிகள் சன்யாசிகள், மத குருமார்கள் ஆகியோர், தங்களுக்கு உலக பந்தங்களைவிட்டு மோட்சம் கிடைக்க விதிக்கப்பட்டிருக்கிறாதா? – என்ற கேள்வியை சிறந்த ஜோதிடர்களிடம் கேட்கத் தவறுவதில்லை. இது எதைக் காட்டுகிறது என்றால், மெய்விளக்க கோட்பாடான, தெய்வீக ஜோதிடமானது முனிவர்களையும், ஞானிகளையும், புனிதர்களையும் தன் ஆதிக்க வரம்புக்குள் கொண்டுவந்துள்ளது.